Саха сиригэр гражданнары хаарбах дьиэттэн көһөрүү бырагырааматынан 2025 сылга дылы 3619 элбэх кыбартыыралаах дьиэттэн 61 тыһ. киһини көһөрүөхтэрэ. 57 дьиэни - Мииринэй улууһугар.
2012 сылтан ыла АЛРОСА Саха сирин бырабыыталыстыбатын кытары сөбүлэҥ чэрчитинэн хаарбах дьиэни көтүрүүнү үбүлүүр. Кэнники 9 сылга хампаанньа Мииринэй улууһугар 69 дьиэни уонна 1 тыһ. тахса кыбартыыраны көһөрбүт, 9 саҥа элбэх кыбартыыралаах саҥа дьиэни туттарбыт. Маныаха 1,8 млрд солк. ыыппыт. 2023 сылга дылы эбии 12 дьиэни көтүрүөхтээх уонна 238 кыбартыыраны көһөрүөхтээх. Онуоха АЛРОСА 780 мөл. солк. ыытыаҕа.
