Ыччат министиэристибэтэ Кыайыы волонтердарын кытта тэҥҥэ «Георгиевскай лиэнтэ» аахсыйа ыыттылар, диэн иһитиннэрэр министиэристибэ пресс-сулууспата.
«Быйыл Кыайыы волонтердарынан маҕаһыыннарга георгиевскай лиэнтэлэр бэрилиннилэр, ыам ыйын 4 күнүттэн хас биирдии атыылаһааччы атыы кииннэригэр, улахан маҕаһыыннарга, сапараапкаларга буор-босхо лиэнтэни ылыан сөп», - диэн этиллэр иһитиннэриигэ.
Лиэнтэлэри түҥэтии туох баар хамсыгы утарар миэрэлэри тутуһан туран ыытыллыаҕа диэн этиллэр иһитиннэриигэ. Аахсыйа ыам ыйын 4 – 9 чыыһылатыгар диэри барыаҕа.
Туох баар боппуруостарынан Кыайыы волонтердарын официальнай аккауннарыгар, эбэтэр Саха сиринээ5и «Кыайыы волонтердара» хамсааһын салайааччытыгар Алгыс Петровка тахсыаххытын сөп. (8924 868 – 04 – 72).