Кытай историятыгар сэттис төгүлүн ыытыллар нэһилиэнньэ биэрэпиһэ былырыын сэтинньи 1 күнүгэр саҕаламмыта. Биэрэпиһи ыытарга 7 мөл. үлэһит кыттыбыт, хас биирдии үлэһит 250-чэ киһини биэрэпистээбит.
Биэрэпискэ Кытай континентальнай чааһын, Гонконг, Макао, Тайванб олохтоохторо, тас дойдуларга үлэлиир кытай дипломаттара, устудьуоннар, командировкаҕа сылдьааччылар уонна Кытайга олорор омук дьоно кыттыбыттар. Биэрэпиһи ахсынньы 10 күнүгэр дылы ыыппыттар. Бүгүн түмүк тахсыбыт — кымырдаайы курдук кыймаҥнас кытайдар ахсааннара 1 млрд 410 мөл. киһи диэн быһаарбыттар. Бу туһунан РИА-Новости суруйар. Аан бастакы биэрэпис 1953 сыллаахха ыытыллыбыт, оччолорго 600 мөл. кытай баара биллибит.
