Коронавирустан сылтаан ыараханнык ыалдьа сытар элбэх ыарыһахтаах улууһунан Таатта улууһа ааттанна. Бу туһунан брифинг кэмигэр Ольга Балабкина кэпсээтэ.
"Таатта улууһа коронавирустан ыарахан туруктаах пациеннардааҕынан антилидер буолла. Онно ыарыһахтар баалатан баран биирдэ балыыһаҕа кэлбиттэр, инньэ гынан ыарахан туруктаах сыталлар", - диэтэ Ольга Валерьевна. Инньэ гынан, билигин улууска эбии куойкалары тардаллар.
Ыал ыалынан ыалдьара үксээтэ. Мэҥэ Хаҥаласка ыарыһах ахсаана арыый намтаабыт. Аммаҕа төттөрү улаата турар. Ордук болҕомтону Уус Алдан уонна Бүлүү, Чурапчы улуустарыгар уураллар. Онно 9-с уонна 11-с кылаас үөрэнээччилэриттэн уратылары дистанционнай үөрэххэ көһөртөөбүттэр.
