Бүгүн сарсыардааҥҥы 10 чаастааҕы туругунан Дьокуускай куорат эргин, Өлүөнэ өрүскэ муус устуута убаҕас, диэн биллэрдэ ыам ыйын 25 күнүгэр өрөспүүбүлүкэтээҕи Тырааныспар министиэристибэтин пресс-сулууспата, Өлүөнэ бассейнын дьаһалтатын суһал иһитиннэриилэригэр сигэнэн.
«Паромнар боруобалыыр рейс оҥороору бэлэмнэнэнэ сылдьаллар, “Мархинка” кытылга муустан ыраастааһын үлэтэ бара турар, Алын Бэстээх өртүттэн кытылы муустан ыраастааһын үлэлэрэ салҕанан бара тураллар», - диэн этиллэр иһитиннэриигэ.
Бастакынан тахсарга бэлэм «Первая паромная переправа» ХЭТ, бүгүн регистрацияламмыт докумуоннарын ылара күүтүллэр.
Биэдэмистибэҕэ биллэрбиттэринэн, маҥнайгы паромнар быһаҕас эрэ туолан айанныахтара, уонна саха сирин олохтоохторуни көҥүлэммит эрэ көрүҥнээх уу аалларын туһаналларыгар ыҥырда, дьон олоҕор уонна доруобуйатыгар куттал суоһаабатын курдук. Бүгүн Өлүөхүмэ өрүһүн төрдүттэн Өлүөнэ өрүскэ түһэр салаатыгар диэри уунан устар учаастак арыллара былааннанар.
Паром сырыытын туһунан иһитиннэрии күн устата эбиллэн иһиэ.
