Сууттаммыттарга төлөнөр хамнаһы кинилэр сокуону кэһэн оҥорбут хорумньуларын эмсэҕэлээбиттэргэ эбэтэр ыстараабы төлүүргэ ыытыахха сөп, диэн бэлиэтээн туран эттэ биэдэмистибэ бэрэстэбиитэлэ Светлана Петренко.
Арассыыйатааҕы Силиэстийэлиир Кэмитиэт, Буруйдааһыны толорор Федеральнай Сулууспа Салалтата (УФСИН) дириэктэрэ Александр Калашников этиитин өйөөтө. Калашников этии киллэрбитинэн, сууттаммыттар үлэлэрин көхтөөхтүк миграннар үлэлиир эйгэлэригэр туһаныахха наада диэн тыл көтөхтө. Ол туһунан ТАСС-ка бэнидиэнньиккэ иһитиннэрдэ АФ СК официальнай бэрэстэбиитэлэ Светлана Петренко.
«Сокуону кэһиини сэрэтэр туһуттан уонна буруйдааһыны толорууну олоххо киллэрэр туһуттан, Александр Калашников этиитэ орунаах, тутуу уонна промышленнай тэрилтэлэригэр үлэ миграннарын сууттаммыттарынан солбуйарга. Маннык үлэ олус көдьүүстээх буолуо этэ уонна өйөбүлү ирдиир», - диэн эттэ кини.
Петренко бэлиэтээбитинэн, маннык хайысханан буруйдааһыны толоруу сүрүн сыала-соруга - сууттаммыт киһини көннөрүү уонна саҥа дьай тахсыытын сэрэтии. «Эт-хаан үлэтэ бу маннык сыаллары ситэргэ биир саамай туһалаах көрүҥ, оттон сууттаммыт дьон өссө манна толору хамнас аахсаллара кинилэр инниктин уопсастыбаҕа адаптиацияланалларыгар сүрүн төһүү күүс буолуоҕа», - диэн ааҕар СК бэрэстэбиитэлэ.
Маны таһынан Светлана Петренко болҕомтону кэлии үлэ миграннарыгар эмиэ ууруохха наада диэтэ. Атын дойдуттан кэлбит, кэлии-устугас дьон үгүс өртө, Арассыыйа сокуонун ирдэбиллэрин билбэтин да, тутуһа сатаабатын да, кэрээнэ суох нүдьү-балай буолалларын ахтан аһарда. «Өскөтүн холуобунай накаастанар дьайыылар тустарынан этэр эбит буоллахха, холобур, 2020 сыл статистикатынан, атын судаарыстыба гражданнарынан эбэтэр төрүт да гражднствота суох дьон ыарахан дьайыылаах сокуону кэһиилэрэ 2,5 тыһыынчаттан таҕыста, бу 2019 сылы кытта холоотоххо 5,5 % үрдүк көрдөрүү. Өйдөөн көрүҥ бу барыта уонна хамсык хааччаҕын кэмигэр», - диэн тоһоҕолоон туран бэлиэтээтэ СК бэрэстэбиитэлэ. Светлана Петренко этэринэн, бу көрдөрүү УФСИН этии киллэриитэ чахчы оруннааҕын көрдөрөр, этии олоххо киирдэҕинэ сокуону кэһии таһыма дойду үрдүнэн лаппа аччыа этэ.
Эрдэтинэ, УФСИН салайааччыта этии киллэрбитин юстиция миниистирэ Константин Чуйченко өйөөбүтэ.
