СӨ Ил Дарханын иһинэн архитектура уонна куораты тутуу управлениета Өлүөнэ күргэтин тутууга бэлэмнэнии үлэлэрин саҕалыырга көҥүлү биэрдэ. Бу туһунан управление пресс-сулууспата иһитиннэрэр.
Көҥүлү "Восьмая концессионная компания" тутуу тэрилтэтэ 2022 сыл ыам ыйын 15 күнүгэр дылы болдьохтоох ылбыт. Генеральнай бэдэрээччитинэн "Институт Гипростроймост - Санкт Петербург" тэрилтэ буолбут. "Үлэ чэрчитинэн инженернай коммуникациялары көһөрөн тутуохтара: 3521 м уот лииньийэтин (14 баҕана уонна 9210 м уот лииньийэтэ (ол 48 баҕаналаах))", - диэн иһитиннэриигэ ыйыллар. Маны таһынан үрдүк баттааһыннаах гаас утаҕын тардыахтара.
Өлүөнэ күргэтэ Транссибирскэй уонна Байкал-Амыр магистралларын Хотугу муора суолун кытары ситимниэҕэ, кэнэҕэһин Европаны уонна АТР кытары ситимниир норуоттар икки ардыларынааҕы тырааныспар көрүдүөрэ буолар чинчилээх. Күргэ Кырдьаҕас Табаҕаннан Мэҥэ Хаптаҕайынан ааһыаҕа.
