Владимир Путин ыйааҕынан, Саха сириттэн хоруона хамсыгын утары хорсун киирсиилэрин иһин 9 киһи судаарыстыбаннай наҕараадаҕа тигистилэр. Ити туһунан үөрүүлээх иһитиннэрии быраап иһитиннэриитин саайтыгар таҕыста.
Ол курдук, Пирогов аатынан уордьаҥҥа Роспотребнадзор Саха сиринээҕи управлениетын отделын начаалынньыгын солбуйааччы Валентина Григорьева, Роспотребнадзор Мииринэйдээҕи салаатын начаалынньыга Лев Григорян, өрөспүүбүлүкэ Роспотребнадзорун хотуна Маргарита Игнатьева, кини солбуйааччылара Елена Лыткина уонна Изабелла Самойлова, итиэннэ отдел начаалынньыга Юрий Степанов тигистилэр. Лука Крымскай мэтээлинэн Роспотребнадзор манааҕы салаатын эспиэр-исписэлииһэ Эльвира Земкина, сүрүннүүр эспиэр-исписэлиис Оксана Игнатьева уонна 1 разрядтаах ыстаарсай исписэлиис Александра Тихонова тигистилэр.
