"РИИХ Сахамедиа" АУо кэллэктиибигэр саҥа салайааччыны билиһиннэрдилэр.
Виктор Колесовы генеральнай дириэктэр дуоһунаһыгар хампаанньа дириэктэрдэрин Сэбиэтигэр бэс ыйын 15 күнүгэр бигэргэппиттэр. Саҥа салайааччыны инновция миниистирэ Анатолий Семенов билиһиннэрдэ.
"Виктор Джамаханович — СМИ эйгэтигэр саҥа кэлбит киһи буолбатах. Кини "Саха" ГТРК сонуннарын сулууспатыгар кэрэспэдьиэнинэн, "Саха" НКИХ тэрийэр-кадровай салаатыгар салайааччынан, биэс сыл курдук "Анаабыр Алмаастара" пресс-сулууспатын салайааччынан үлэлээбит уопуттаах. Кини кэлэктиипкэ түргэнник киирэн, интэриниэт таһаарыылары саҥа таһымҥа таһаарыа диэн эрэллээхпин", - диэн Анатолий Семенов кэллэктиипкэ билиһиннэрии кэмигэр эппит. Билигин "Сахамедиа" иннигэр сетевой таһаарыылары уонна сыыппараҕа көһүү соруга турарын миниистир тоһоҕолообут.
