Арассыыйа Судаарыстыбыннай Дуумата иккис уонна үһүс ааҕыыларыгар фермердарга тыа хаһаайыстыбатынан дьарыктанарга анаммыт сирдэргэ дьиэ туттарга кыах биэрэр сокуон бырайыагын ылынна, диэн тиэрдэр Парламентскай хаһыат.
Билиҥҥи сокуонунан фермердар сирдэригэр олорор дьиэ эбэтэр хаһаайыстыбыннай тутуу туттар көҥүлэммэт. Көҕүлээһин ааптардара санааларынан, бу олохтоох аччыгый урбаан сайдарыгар мэһэйдиир, ордук чуолаан фермерскэй хаһаайыстыбалар сайдыылара хааччахтанар.
«Бырыайыакка көрүллэринэн, бааһынай-фермерскэй хаһаайыстыба тыа хаһаайыстыбатынан дьарыктанарга аналлаах сиргэ дьиэ-уот туттан олоруон сөп, өскөтүн бу сир дьиэ кэргэн баһылыгар эбэтэр чилиэнигэр бас билиигэ баар буоллаҕына», - диэн бэлиэтээтэ айылҕа баайыгар, сири бас билиигэ уонна сир дьыалатыгар сыһыаннарга Кэмитиэт баһылыга Николай Николаев.
Ону таһынан, тутуу бэйэтэ үс этээстэн үрдүө суохтаах, уопсай болуоссата 500 квадратнай миэтирэттэн тахсыа суохтаах, ол аата 0,25 бырыһыан учаастак уопсай иэниттэн тахсыа суохтаах. Тутуун сиргэ сыһыарыахтара, онон сири аналынан буолбакка атын туһаҕа ыыттахтарына судаарыстыба былдьыан сөп. Бу маннык киллэрии, сокуон бырайыагын ааптардарынан, фермердэр сирдэрин аһара ыга симсэ дьиэ туттуутуттан көмүскүө.
Маны таһынан, сокуон бырайыага хас биирдии эрэгийиэҥҥэ ханнык сирдэргэ фермерскэй дьиэлэри тутар, туһанар көҥүлэммэтин бэйэлэрэ быһааралларыгар кыах биэрдэ.
«Сокуон бырайыагын ылыныы фермерскэй хаһаайыстыбаларга судаарыстыбыннай өйөбүлү хааччыйыаҕа, сиргэ анаммыт ирдэбиллэри барытын тутуһан туран – тыа сиригэр сүрүн оҥорон таһаарыы тирэҕин курдук», - диэн быһаарыы саппыыскаҕа этиллэр.
Бүгүн Арассыыйаҕа 170 тыһыынча бааһынай-фермерскэй хаһаайыстыба регистрацияламммыт. «Үксүн хаһаайыстыбалар нэһилиэнньэлээх пууннартан син тэйиччи баалларын учуоттаан, олорор дьиэни бу учаастактарга туттуу – тыын боппуруос», - диэн эттэ Николаев.
