Бырагыраамманан көрүллүбүт ыстаапка сыллааҕыта 6 % ааҕыллар.
Арассыыйа бэрэсидьиэнэ Владимир Путин, 2018 сыл, тохсунньу 1 күнүн кэнниттэн төрөөбүт биир оҕолоох ыалларга, чэпчэтиилээх ипотека бырагыраамматын, бу дьыл от ыйын 1 күнүгэр диэри кэҥэтэн биэрэргэ соруйда. Петербурдааҕы норуоттар икки ардыларынааҕы экономическай пуорум түмүгүнэн, судаарыстыба аҕа баһылыгын тустаах дьаһаллара, баскыһыанньаҕа Кириэмил саайтыгар таҕыстылар.
«Чэпчэтиилээх ипотека бырагыраамматын оҕолоох ыалларга толору хааччыйарга, 2023 сыл ахсынньы 31 күнүгэр диэри кыах биэрэргэ. Бу кыаҕы 2018 сыл, тохсунньу 1 күнүн кэнниттэн төрөөбүт бастакы оҕолоох уонна салгыы төрөөбүт оҕолоох ыаллар туһанар кыахтаахтар. Ипотеканан дьиэ ыларга, туттарга кредит (сойуом) ( сыллааҕы ыстаапката 6% ааҕыллар, бүтүн кредит төлүүр болдьох тухары), бастакы ырыынак таһымынан саҥа дьиэ атыылаһарга эбэтэр урут ылыллыбыт кирэдьиткэ рефинансирование ааҕарга», - диэн этиллэр сорукка, толоруллар болдьоҕо 2021 сыл от ыйын 1 күнүгэр диэри.
Ону таһынан, Путин 2022 сыл, от ыйын 1 күнүгэр диэри атын чэпчэтиилээх ипотека бырагыраамматын – бастакы ырыынакка саҥа дьиэ ылыытын уһатарга соруйда. Маныаха сыллааҕы ыстаапка 7 %-тан (урут 6,5% этэ) үрдүө суохтаах, оттон кредит муҥутуур кээмэйэ үс мөлүйүөн солкуобуйатан үрдүө суохтаах.
Маннык саҥа көҕүлээһиннэрдээх Путин бэс ыйын 4 күнүгэр, пленарнай мунньахха тыл эттэ.
