Туоһу буолбут киһи кэпсээбитинэн, кинилэр көрбүттэринэн, биир кыыс кытылга сүүрэ сылдьыбыт, оттон тэйиччи, төбөтүн оройо эрэ көстөр эр киһи ууга булумахана сылдьара көстүбүт.
«Биһиги тута сүүрэн тиийэн көмөҕө ыҥыран хаһыытаһан барбыппыт. (бэйэбит сатаан харбаабаппыт). Биһиги хаһыыбытыгар икки кыыс уонна икки уол сүүрэн кэлбиттэрэ уонна көмөҕө ыстаммыттара. Тимирэн эрэр киһиэхэ ыччаттар харбаан тиийиилэригэр, кини тута уу анныгар барбыта. Биир кыыс уолуйбакка, тута умсаат тимирээччини баттаҕыттан харбаан ылбыта. Соннук илиитигэр соспутунан кытылга харбаан тиийбитэ. Таһаарбыттара, эр киһи бүтүннүү күбүс-күөх этэ», - диэн кэпсиир маны барытын илэ хараҕынан көрбүт туоһу киһи.
Дьолго, сөтүөлээччилэр быыстарыгар, биир Мэдьэссиинэ үнүстүтүүтүгэр үөрэнэр кыыс баар эбит, кини эр киһиэхэ бастакы суһал көмөнү оҥорон, чөлүгэр түһэрбит.
«Өлө сыспыт киһини ойоҕоһунан сытыарбыппыт, оттон кини тута өрө хаһыҥыраабытынан утуйан барбыта. Олох өлө итирик этэ», - диэн туоһулартан биирдэстэрэ кэпсиир.
Дьолго, тимирэн эрээччини өлөр өлүүттэн өрөһүйбүт эдэркээн кыыс, быыһааччы үөрэҕэр үөрэнэр эбит.
