Бэс ыйын 25 күнэ үүнэр түүнүгэр Дьокуускай куорат Ф.Попов аатынан уулуссатыгар турар кыбартыыратыттан 1992 сыллаах төрүөх Мария Сухардинова тахсан барбыта.
Мария Сухардинова оҕо эрдэҕиттэн инбэлиит, мөлтөхтүк саҥарар. Түүн ийэтэ уонна балта утуйа сыттахтарына тахсан барбыт. Кыыс тахсан барбыта төрдүс күнүгэр булулунна. Сүппүт кыыһы ИДьМ холуобунай ирдэбил сотрудниктара түүннэри-күнүстэри тохтоло суох көрдөөн буллулар. Кинини Лермонтов уулуссатыгар дьиэлэр аттыларыгар сылдьарын көрөн булбуттар. Бу күннэр усталарыгар куорат устун атах-балай сылдьаахтаабыт. Билигин кыыһы быраастар көрөллөр-истэллэр.
