Дьокуускайга 38 саастаах эр киһи бииргэ олорор дьахтара атын киһиэхэ иирбит. Онтон кыайаханан, күнүүлээн, быраҕыллыбыт эр киһи анараа киһитин кэпсэтиигэ ыҥырбыт.
Онуоха анарааҥҥыта болдьоммут чааска миэстэтигэр кэлбэтэх. Иһэн баран сылдьыбыт киһи онтон өссө тымтан турбут уонна тэлгэһэҕэ турар утарсааччытын массыынатын охсуталаабыт, тэбиэлээбит. Түмүгэр 12 тыһ. солк. хоромньуну таһаарбыт.
Анарааҥҥы киһи полицияҕа тыллаабыт. Киниэхэ "дьон малын соруйан алдьатыы" диэн холбуобунай дьыаланы көбүппүттэр. Уорбаланааччы 2 сылга диэри хааллыан сөп. Бу туһунан ИДьМ пресс-сулууспата иһитиннэрэр.
