Дьокуускай куорат үөрэҕириитин салалтата быйыл бэрэпиискэннэн оскуолаҕа ылыыга хапсыбатах оҕолору ылыыга сайабыланньаны тутуу от ыйын 6 күнүттэн саҕаланна.
«Быйыл бастакы кылааска барар оҕолордоох төрөппүттэр быһаччы оскуолаҕа тиийэннэр, эбэтэр үөрэҕирии өҥөтүн порталыгар киирэннэр иллэҥ миэстэлэр туолуохтаргар диэри сайабылыанньа суруйуохтарын сөп. Докумуоннары балаҕаны ыйын 5 күнүгэр диэри ылаллар», - диэн иһитиннэриигэ ыйыллар.
Бу кэм иһигэр куорат араас атын түөлбэлэригэр ордубут миэстэлэргэ сайабылыанньа эмиэ суруйуохха сөп. Холобура, Н.А. Алексеева аатынан техническай лицей от ыйын 6 күнүттэн бастакы кылааска суруйууну саҕалыыр, тоҕо диэтэххэ, бу үөрэх кыһата бэйэтин тус сыһыарыллыбыт түөлбэтэ суох.
Санатар эбит буоллахха, түөлбэнэн сыһыарыллыбыт оскуолаларга бастакы кылааска суруйуу муус устар 1 күнүттэн саҕаламмыта. От ыйын 1-5 күнүгэр диэри оҕолору оскуолаҕа ылбыттарын туһунан бигэргэтиллибит бирикээстэр тахсыахтаахтар.
