Бэс ыйын чээрэтиттэн ыла, Мииринэй сквердэригэр, пааркатыгар, кэрэ-бэлиэ, туристатр тоҕуоруһар миэстэлэригэр сибэккэ эгэлгэтин олордуу ситиһиилээхтик ыытылынна.
Көҕөрдүүгэ утумнаах үлэ Ленин болуоссатыгар, Ботаническай саадка, «Бүлүүлүүр биhилэх» сынньанар сиргэ, куорат пааркатыгар, «Кимберлит» успуорт дыбарыаhын иннигэр барда.
Ботаническай саад кэрэ сибэккилэринэн, яблоняларынан, пихталарынан, акацияларынан «Кристина» салон ыкса дьарыктанар.
«Кимберлит» успуорт дыбарыаһын тулатын КСК үлэhиттэрэ сибэккинэн симииллэр.
Ленин буолуоссата - мээрийэ сулууспалаахтарын сирэ.
«Бүлүүлүүр биһилэх» - уруккутун курдук урбаанньыттар көрөр-истэр, бүөбэйдиир миэстэлэрэ.
Мииринэйгэ тупсарыы үлэлэрэ, хас биирдии тэрилтэлэринэн сыhыарыллыбыт буолан, ылыммыт дьыалаларыгар сүрдээх эппиэтинэстээхтик сыhыаннаспыттарын бу хаартыскаларга көрөҕүт.Туох да диэ, үкэр куйаастаах сайын саҥатыгар, куораппыт сибэккинэн симэннэ, торҕо күөххэ сууланна.Олохтоохтор куораппыт күөххэ симэнэринэн чахчы да киэн туттабыт.
Станислав Алексеев, Мииринэй куората. Ааптар хаартыскалара.
Сэҥээриилэр