Өр сылларга тохтоон турбут тутуу, 71 кыбартыыралаах учууталларга ананыахтаах олорор дьиэни дьэндэтии, 2021 сылга муус устар ыйыттан ыла сөргүтүллэн, үлэ-хамнас күөстүү оргуйар.
.Саҥа бэдэрээччитинэн – «Приоритет» ХЭТ, сакаасчытынан – Мииринэйдээҕи хоммунаалынай-тутуу салалтата буолар.
Улахан уораҕай ис бараана, вентиляцията оҥоһуллар. Автокран тигинэччи үлэлиир. Кытай «Шаншан» самысыбаала тутуу матырыйаалын тиэйэр Этээстэр икки ардыларынааҕы истиэнэлэрэ ситэри саамыы ууруллар. Ону тэҥэ, тоҕус этээстээх дьиэ тас бүрүөһүнүнэн дьарыктанан эрэллэр. Бу күннэргэ, дьиэ сылаас буоларын туһугар, истиэнэни аналлаах боолдьоҕунан уонна уу өҥпөт матырыйаалларынан бүрүйүү үлэлэрэ ыытыллыахтара. Салгыы билиитэлэри ууруу элбэх бириэмэни ылара күүтүллэр. Үлэ – элбэх. Уутун-хаарын утумун, уотун быһаарыахтара.
Былаан быһыытынан, 2016 сыллаахтан уһуннук-унньуктаахтык тутуллар 71 кыбартыыралаах дьиэ, 2021 сыл төрдүс кыбаарталыгар үлэҕэ киирэрэ күүтүллэр.
Станислав Алексеев
Мииринэй куората
