Доҕоттоор, бу быраҕыллыбыт дьиэ, сарай, эргэ ыскалаат да буолбатах.
Бу - баанньык. Промышленнай бөһүөлэк баар-суох баанньыга. Алмазнай бөһүөлэгин олохтоохторо маннык кэр-дьэбэр баанньыктаахтар.
Көрүөхтэн сүөргү, сарымтан-иримтэн ньүдүрээн тураахтыыр. Дьэ сүрдээх.
Балаһыанньаны эрэҥкэдитэр сонуну Мииринэй оройуонун дьаһалтатын пресс-сулууспата тарҕатта.
Онно этиллэринэн, саҥа баанньык тутуутун бырайыактыыр докумуонун бэлэмнээһиҥҥэ үп анаммыт.
Ол аата «сыарҕа сыҥааҕа дьэ хоҥнууһук”.
Алмазнай курдук, үйэ аҥаара дойдуну алмаас хостоон аһаппыт сир, итинник куһаҕан туруктаах баанньыктаах олороро кыбыстыылаах.
Онон, сотору кэминэн, алмазнайдар саҥа баанньыктаныахтара диэн эрэл үөскээтэ.
Станислав Алексеев
Мииринэй куората
Сэҥээриилэр