Атырдьах ыйын 8 күнүттэн Аллайыаха улууһугар ититиини биэрэн саҕалаатылар. Чокурдаах бөһүөлэгин, Чкалов, Оленегорскай, Ныычалаах уонна Русское Устье сэлиэнньэлэрин хочуолунайдарыттан ДьУОХХ ГУТ бирикээһинэн ититиини биэрдилэр. Бу туһунан тэрилтэ пресс-сулууспата суруйар.
"Аллайыаха улууһугар сыл ахсын атырдьах ыйын саҥатыгар ититиини биэрэн саҕалыыбыт. Туох баар хочуолунайдар, инженернэй ситимнэн сүүс бырыһыан оттук сезонун толору бэлэмнээх көрүстүлэр. Күһүҥҥү-кыһыҥҥы ыйдарга наадалаах уматык саппааһа тиэллэн турар", - диэн ДьУоХХ генеральнай дириэктэрэ Виталий Чикачев иһитиннэрэр.
Филиал исписэлиистэрэ өрөмүөн кэмигэр саҥа хочуол тэрилин туруорбуттар, хас да хочуолунайга насос уонна уматар тэрили уларыппыттар, 3-с №-дээх хочуолунай сарайын, Чокурдаахха буруо турбатын уларыппыттар. Оленегорскайга саҥа тэриллэри туруорбуттар, Чокурдаахха биир км курдук уу уонна ититии ситимин уларыппыттар.
