Горнай улууһун Бэс Күөлүгэр 600-тэн тахса киһи олорор. Нэһилиэккэ уопсайа 578 төбө сүөһүлээхтэр, ол иһигэр — 287 ыанар ынах. 617 сылгылаахтар, ол иһигэр — 427 биэ. Оттуур ходуһалара 1223 гектар. Ойуур уотуттан нэһилиэк тыа хаһаайыстыбатыгар төһө хорумньу тахсыбытын ааҕаллар.
Бэҕэһээ, атырдьах ыйын 8 күнүгэр, Бэс Күөлүгэр ТХМ сүөһүнү иитиигэ, племенной хонтуруолга, кээпэрээссийэҕэ уонна аччыгый хаһаайыстыбаларга департаменын салайааччытын солбуйааччыта Николай Питимко Горнай улууһун ветеринарияҕа управлениетын кытары оробуочай бөлөххө киирсэн хоромньуну ааҕыыга сылдьыспыт.
Ол түмүгүнэн 10 ньирэй, 8 сибиинньэ, 8 куурусса, 5 хотон, 1 МТЗ=82 тыраахтыр, 1 бодобуос, 1 бырысыап уонна 38 туонна бэлэмнэммит от умайбыта биллибит.
Билиҥҥитэ чопчу төһө сүөһү өлбүтүн уонна ону хайдах суох оҥороллорун быһаараллар, ол кэннэ төһө тыа хаһаайыстыбатын кыыла, эбийиэгэ уонна материальнай баайа умайбытын ааҕан, нэһилиэккэ тыа хаһаайыстыбатыгар төһө хоромньу аахпытын чуолкайдыахтара. Бу туһунан ТХМ пресс-сулууспата иһитиннэрэр.
Ил Дархан Айсен Николаев анал уурааҕынан, тыа хаһаайыстыбатын салаатыгар тахсыбыт хоромньуну толуйарга туһааннаах үлэ барыаҕа, бары эмсэҕэлээбиттэргэ көмө оҥоһуллуоҕа.
