S7 авиахампаанньа балаҕан ыйын 20 күнүттэн Дьокуускайтан Москубаҕа дылы быһа көтөр эриэйсэлэрин сөргүтүөҕэ. Бу туһунан аэрпорт пресс-сулууспата иһитиннэрэр. Маны таһынан алтынньыттан «Северный ветер» (Nordwind Airlines) авиахампаанньа көтөр буолуоҕа.
S7 күн ахсын Домодедово аэропордуттан Дьокуускайга дылы күн ахсын Аirbus A320 сөмөлүөтүнэн көтүөҕэ. Маны таһынан S7 Airlines Владивостокка дылы эриэйсэлэрин эмиэ сөргүтэр. Балаҕан ыйын 20 күнүттэн нэдиэлэҕэ иккитэ көтүөҕэ.
Оттон "Аврора" авиахампаанньа балаҕан ыйын 8 күнүттэн Хабаровскай — Дьокуускай — Хабаровскай хайысханан көтөрүгэр, Bombardier Dash 8 Q400 сөмөлүөттэн ураты Аirbus A319 эмиэ туһаныаҕа. Аэробус быһа барыллаан бэнидиэнньиккэ, сэрэдэҕэ, чэппиэргэ уонна субуотаҕа көтөр буолуоҕа.
