Саха сиригэ сыл бүтүөр диэри бэйэ дьарыктаах дьон (самозанятай) ахсаана эбиллэр чинчилээх. Билигин 11 тыһыынчаттан тахса киһи баар буоллаҕына, “12-13 тыһыынча буолуо” диэн сылыктыыллар. Ол туһунан Урбаан миниистирэ Ирина Высоких кэпсээбит.
“Билигин 11 тыһыынча кэриҥэ киһи баар. Мин санаабар, сыл бүтүөр диэри ити көрдөрүү биир-икки тыһыынча киһинэн эбиллиэҕэ. Тоҕо диэтэххэ, биһиэхэ бэйэ дьарыктаах дьон ахсаана нэдиэлэ аайы 100-200 киһинэн эбиллэ турар”, - диир хотун Высоких.
Санаттахха, ааспыт сыл от ыйын 1 күнүттэн бэйэ дьарыктаах дьон нолуогу төлүүр ньымалара уларыйбыта. Дойду дьоҕус уонна орто урбааны өйүүр национальнай бырайыагын былаанын быһыытынан, эһиил сыл бүтүөр диэри өрөспүүбүлүкэбитигэр бэйэ дьарыктаах 4,6 киһи баар буолуохтаах.
