Ааспыт сууккаҕа Саха сиригэр эбии 154 киһи хоруона хамсыгар хаптарбыта биллибит.
Ордук элбэх киһи киин куораппытыгар — 91 киһи ыалдьыбыт. Маны таһынан 18 улууска суостаах ыарыы бэлиэтэммит: Сунтаарга —8, Алдаҥҥа, Бүлүүгэ, Кэбээйигэ, Мэҥэ Хаҥаласка, Уус Алдаҥҥа, Мииринэйгэ —6-лыы, Орто Халымаҕа —5, Аллайыахаҕа —3, Булуҥҥа, Өлөөҥҥө —2-лии, Аммаҕа, Үөһээ Бүлүүгэ, Нерюнгрига, Томпоҕо, Өлүөхүмэҕэ, Уус Майдаҕа, Чурапчыга биирдии ыарыһаҕы бигэргэппиттэр.
Суукка устатыгар өрөспүүбүлүкэ лабаратыарыйалара 4380 коронавирус анаалыһын оҥорбуттар.
