Саха сирин отонуттан-күлүүкүбэтиттэн оҥоһуллубут 75 гр. ыйааһыннаах пломбир эскимо уонна биэдэрэлээх (450 гр., 1000 мл) биһиги отоммутуттан минньитиллибит “Мишка на полюсе” мороженайы “Ягоды заполярья” диэн серияннан, Казахстан “Шин-Лайн” диэн хампааннаьат таһаарар буолбут.
Эскимо пломбир Саха сиригэр үүммүт отон утаҕынан бүрүллүбүт, оттон биэдэрэлээх мороженай үрдүтүгэр барыанньа уонна отон куттулубут. Оҥорон таһаарааччы суруйарынан, отон Арассыыйа Полярнай эргимтэ иһинээҕи сиригэр: тыйыс тымныылаах Саха сиригэр, планета саамай ыраас миэстэлэригэр үүммүт. Ону туоһулуур сэртипикээттээх. Бу мороженайы атыылаһааччылар эрэ буолбакка, анал эспиэрдэр эмиэ үрдүктүк сыанаалабыттар. Норуоттар икки ардыралынааҕы “2020 сыл Бастыҥ бородууксуйата” күрэххэ кыайбыт уонна Москубаҕа “Продэкспо-2020” быыстапкаҕа кыһыл көмүс мэтээли ылбыт. Оттон Саха сирин отонноруттан оҥоһуллубут “Мишки на полюсе” сэрийэ быйыл тахсыбыт. Бу серияҕа Карелия сугунуттан эмиэ пломбиры киллэрбиттэр.
Ыспыраапка:
“Шин-Лайн” хампаанньа 1995 сыллаахха тэриллибит, күн бүгүн Киин Азияҕа мороженай оҥорор биир бөдөҥ тэрилтэнэн уонна Казахстантан тас дойду ырыынагар аан бастакынан бородууксуйатын таһаарбыт тэрилтэ буолар. “Евромонитор” дааннайдара этэллэринэн, “Шин-Лайн” Казахстан мороженайын 35% оҥорор. Тэрилтэ Арассыыйаҕа, Белоруссияҕа, Кыргызстаҥҥа, Узбекистаҥҥа, Азербайджаҥҥа, Монголияҕа табаарын батарар. 100 араас мороженай көрүҥүн оҥороллор, сылга 16 тыһ. туоннаны астыыллар.
