Балаҕан ыйын 6-12 күннэригэр Саха сиригэр 1085 киһи хороуна хамсыгар хаптарбыт. Инньэ гынан, нэдиэлэ иһигэр ыарыы 7 бырыһыан улаатта. Бу туһунан Ольга Балабкина хамсыгы бохсор мунньах кэмигэр эттэ.
Оттон Дьокуускайга ыарыы 7,9%, улуустарга — 5,8% үрдээбит. Ольга Балбакина ыарыы тарҕанар улуустарын 3 бөлөххө араарар: 1-кы бөлөххө кэлии-барыы улааппыт, уоппускаттан дьон тахсыыта, үөрэх саҕаланыыта буолан ыарыы эмискэ тоҕо барбыт улуустарын, оттон иккискэ уонна үһүскэ— хамсыктан быһыыны ылбат, олох мөлтөхтүк хабыллар улуустары уонна өрт уотун умулларыыга дьон тоҕуоруһуутуттан ыарыы тарҕаммыт улуустарын ааттаталаата. Онно балаһыанньа хонтуруолга сылдьарын эттэ. Доруобуйа харыстабылын миниистирин бастакы солбуйааччыта Роман Саввин Дьокуускайга уонна кэккэ улуустарга куойка пуондатын улатыннарбыттарын эттэ. "Спутник Лайт" вакцина бары улуустарга баар, хоту улуустар күргүөмүнэн быһыыны ылбыт буоланар, онно ыарыы аҕыйаҕын тоһоҕолоотулар.Ольга Балабкина: "Ыарыы 7% улаатта"
