Өрөспүүбүлүкэтээҕи хоруона хамсыгын бопсор суһал ыстаап иһитиннэрэринэн, балаҕн ыйын 22 күнүнээҕи туругунан, Саха сиригэр эбии 179 киһи хоруона хамсыгар хаптарбыт.
Ордук элбэх киһи киин куораппытыгар ыалдьыбыт —116. Мэҥэ Хаҥаласка—9, Сунтаарга—5, Алдан, Амма, Нерюнгри, Таатта улуустарыгар—4-түү киһи ыалдьыбыттар, Аллайыахаҕа, Үөһээ Халымаҕа, Ленскэйгэ, Уус Алдаҥҥа—3, Булуҥ, Дьааҥы, Бүлүү, Кэбээйи, Мииринэй, Орто Халыма улуустарыгар иккилии киһи ыалдьыбыт, оттон Үөһээ Бүлүү, Горнай, Эдьигээн, Нам, Ньурба, Өймөкөөн, Өлөөн, Уус Майда уонна Чурапчы улуустарыгар биирдии ыарыһаҕы бигэргэппиттэр.
Балаҕан ыйын 14 күнүттэн ыла өрөспүүбүлүкэҕэ ыарыһах ахсаана 170-тан түспэккэ турар. Балыыһаҕа киирээччи, дьиэттэн эмтэнээччи уонна ыарыһахтары кытары алтыспыт дьон ахсаана күн-түүн улаата турар. Маны таһынан ыараханнык ыалдьааччы уонна өлөөччү ахсаана эмиэ уҕараабат. Бэҕэһээ Дьокуускайга уонна 8 улуустааҕы киин балыыһаларга 127 киһи реанимацияҕа сытарын, олортон 30 ыарыһах ИВЛга холбонон олох иһин охсуһлларын эппиттэрэ. Оҕолор ыалдьыылара улаата турар, кинилэр ыаыһахтар уопсай ахсааннарыттан 20% ылаллар. Кэнники икки нэдиэлэҕэ ОРВИ дьаҥа ордук оҕолор уонна ыччаттар ортолоругар улааппытын Роспотребнадзор бэлиэтиир.
