Чурапчы улууһугар доруобуйа харыстабылын бастакы звенотун модернизациялааһын эрэгиэннээҕи бырагырааматын чэрчитинэн икки саҥа суһал көмө массыынатын биэрдилэр. Бу туһунан улуус дьаһалтатын пресс-сулууспата иһитиннэрэр.
Саҥа массыыналары ыарыһахтары таһарга, быраастары уонна биэлсэрдэри көмө оҥороллоругар тиэйэргэ, итиэннэ кырыы нэһилиэктэргэ эми-тому тиэрдэргэ туһаныахтара.
Саха сиригэ уопсайа бу бырагыраама иитинэн 44 УАЗ уонна "Лада Нива" массыыналара кэлэн, улуустарынан тыырыллыбыта. Кэлэр биэс сыла 248 масыынаны ылыахтара, онуоха 250 мөл.солк. биэриэхтэрэ, онтон 234 мөл.солк. федеральнай үптэн бэриллэр.
