Саха сиригэр уопсастыбаннай миэстэлэргэ сылдьарга аны быһыыны ылбытыҥ туһунан туоһулуур сэртипикээт уонна QR-код ирдэнэр буолуоҕа.
Онуоха туһааннаах ыйаахха Ил Дархан Айсен Николаев илии баттаата. Докумуоҥҥа "сокуоннай саастарын туолбут гражданнар COVID-19 утары быһыыны ылбыттарын туһунан сэртипикээттээх эбэтэр хоруона хамсыгынан ыалдьыбыт дьон QR-кодунан бигэргэтэн уонна бэйэни туоһулуур докумуону бииргэ биэрэн, көрдөрөн киирэр буолуохтара", — диэн ыйыллар.
Саҥа хааччахтыыр быраабыла алтынньы 20 күнүттэн тыйаатырдарга, түмэллэргэ, култуура дьиэлэригэр, бибилэтиэкэлэргэ уо.д.а. култуурунай-саататар тэрилтэлэргэ үлэлээбитинэн барыаҕа; алтынньы 25 күнүттэн —фитнес-кулууптарга, эрчиллэр уонна успуорт саалаларыгар, бассейҥа. Оттон сэтинньи 1 күнүттэн эрэстэрээннэргэ, кафеларга, остолобуойдарга уонна банкеттыыр саалаларга.
Сэртипикээти уонн QR-коду вакцина ылбыккын кэннэ Госуслуги порталтан ылаҕыт.
