Саха сиринээҕи Үлэ министиэристибэтэ, «Победа » Ресурснай социальнай көмүскэл киинэ, итиэннэ «Саха сирин Аҕаларын түмсүүлэрэ» Уопсастыбыннай тэрилтэтэ, алтынньы 21 күнүттэн сэтинньи 8 күнүгэр диэри, «Мин аҕам барытын сатыыр!» диэн оҕолорго куонкурус биллэрэллэр.
Куонкуруска аҕалар ураты дьоҕурдарын көрдөрөр видеороликтар кытталлар. Аҕалар талааннарын ханнык баҕар хайысхаҕа көрдөрүөхтэрин сөп: булка-алка, уһаныыыга, айар үлэҕэ уо.о.д.а.
Видеоролик – 59 сөкүүндэттэн уһуо суохтаах. Устуугутун бэйэҕит Инстаграмм сирэйгитигэр, кылгастык аҕа туһунан кэпсээн таһаараҕыт. Ону таһынан ааккытын-суолгутун, кытааччылар оҕолоох-аҕа ханна олорор аадырыстарын чопчу ыйаҕыт. Итиэннэ - #якутия_папаможет – хэштег туруораргыт ирдэнэр уонна @mintrud_yakutia @liga_otsov_ykt @resurs_pobeda_ykt. тэрийээччилэри бэлиэтииргит булгуччулаах.
Хайаан да ирдэнэр усулуобуйа – тэрийээччилэр аккауннарыгар суруйтарбыт буолуохтааххыт. Бэйэҕит Инстаграмм сирэйгит аһаҕас буолуохтаах. ( Үлэ министиэристибэтин саайтыгар лайк уонна репост ааҕарга). Куонкурус түмүгэ сэтинньи 13 күнүгэр биллиэҕэ. Жюри үс кыайыылаахтары ааттыа:
- Бастакы миэстэ– «Бастыҥ кыайыылаах» - 10 тыһ. харчы
- Иккис миэстэ – «Көрөөччү биһирэбилэ» - 7 тыһ. харчы
- Үһүс миэстэ – “Саамай ураты устуу” – 5 тыһ. харчы.
Сэҥээриилэр