ПАО «МТС» ситимин саҥардыбытын түмүгэр Дьокуускай куорат уонна өрөспүбүүлүкэбит сүүрбэччэ улууһугар 90 нэһилиэгэр мэбиилинэй интэриниэт түргэтээн биэрдэ.
Бу сыл үс кыбаарталын тухары мэбиилинэй интэриниэт Дьокуускайга уонна 9 куоракка, 18 бөһүөлэккэ уонна Алдан, Үөһээ Бүлүү, Горнай, Сунтаар, Ньурба, Бүлүү, Томпо, Өймөкөөн, Хаҥалас, Уус-Алдан, Мэҥэ-Хаҥалас, Чурапчы, Таатта, Мииринэй, Амма, Кэбээйи, Ленскэй, Нам уонна Өлүөхүмэ улуустарын 65 нэһилигэр эбии түргэтээн биэрдэ.
Билигин бу ааттаммыт нэһилиэнньэлээх сирдэргэ мэбиилинэй интэриниэт муҥутаан 100 Мбит/c түргэннээх. МТС эбэнимиэннэрэ үчүгэй түргэннээх интэриниэттэнэннэр үчүгэй хаачыстыбалаах видео уонна куйаар ситимигэр эпиирдэри көрөр, Госуслуга порталыгар ол-бу босуобуйалары оҥорор буоллуллар.
«МТС өрөспүүбүлүкэбитигэр куруутун сибээс хаачыстыбата тупсарыгар үлэлэһэр. Биһиги уһук ыраах улуустарга түргэн интэриниэт ирдэбилэ баарын көрөбүт – бу кэлиҥҥи биир сылга интэриниэт тыраапыгын кэриҥэ балтараа төгүл үрдээтэ. Ол иһин биһиги бэйэбит ситиммитин куораттарга эрэ буолбакка тыа сиригэр хаҥатабыт. Биһиэхэ киһи ханна олороруттан тутулуга суох күүстээх түргэн мэбиилинэй интэриниэт баар буолара улахан суолталаах», - диэн Саха сирин МТС тэрилтэ дириэктэрэ Прокопий Неустроев этэр.
«Нэһилиэк олоҕун таһыма үрдүүрэ биһиэхэ сүҥкэн суолталаах боппуруоһунан буолар. Үрдүк түргэннээх мэбиилинэй интэриниэт хас биирдии Саха сирин олохтооҕор баар буолара булгуччулаах. Бу олоххо-дьаһахха түргэн-тарҕан буоларга аналлаах. Бу чуолаан хамсык кэмигэр ордук наадалаах көстүү – олохтоохторго Госуслуга, онлайн-бакинг уонна даҕаны атын сыыппара сиэрбиһэ өйдөнүмтүө буолар. Маныаха бу МТС хампаанньа маннык киэҥник ыраах сытар нэһилиэктэри хабан мэбиилинэй интэриниэти тупсарара наһаа үчүгэй», - диэн Саха Өрөспүүбүлкэтин Инновация, цифровой сайдыы уонна инфокоммуникационнай технологияларын миниистирэ Анатолий Семенов санаатын үллэстэр.
