АЛРОСА генеральнай дириэктэрэ Сергей Иванов аатыгар Стручковтар дьиэ кэргэн аатыттан үбүнэн көмө иһин барҕа махтал тыллардаах сурук киирдэ.
Бу сурукка этиллэринэн, Булуҥ улууһун Күһүүр бөһүөлэгэр олорор Полина Константиновна уонна Иннокентий Васильевич Стручковтар көмүс ньээкэ уйалара бу дьыл бэс ыйын 16 күнүгэр кытарарга былдьанан, турар бэйэлэринэн хаалбыттар.
«Биһиги дьиэ кэргэн сэттэ оҕолоохпут. Үс бэйэбит уонна түөрт иитиэх оҕолордоохпут. Дьиэбитин кытта бу сыллар тухары муспут туох баар миэбэлбит, бытовой тиэхиньикэбит, таҥнар таҥаспыт олоччу умайан, күл-көмөр буолбута. Онон оҕолорбутун кытта турар бэйэбит таһырдьа туран хаалбыппыт. Оттон билигин эһиги көмөҕүтүнэн иэримэ дьиэбит тутуллан бүтэн, олорорго бэлэм буолан, үөрүүбүт үрдэ суох буолбутун, хайдахтаах курдук көмөҕүт-өйөбүлгүт иһин, дириҥник махтанарбытын тылынан кыайан сатаан тиэрдибэппит.
Күүппэтэх өттүттэн кэлбит иэдээҥҥэ соҕотох туран хаалбатахпыт, биһиэхэ илиилэрин уунар, өйөбүл буолар дьон баарын да билии – санааны бөҕөргөтөр, күүһүрдэр. Бу Орто туруу-бараан дойдуга эһиги курдук үтүө, дьоҥҥо кыһымньылаах сыһыаны өрө тутар дьон баарыттан олус үөрэбит, махтанабыт! Көмөҕүт, өйөбүлгүт иһин барҕа махталбытын этэн туран, сүгүрүйэбит, бары үтүөнү баҕарабыт!
