Чурапчы улууһугар СOVID-19 утары быһыыны ылыыны көҕүлүүр аахсыйаҕа кыттыбыт маҥнайгы кыайыылаахтары быһаардылар. 10 тыһыынча сууммалаах бирииһи 10 киһи тутта.
Чурапчы улууһун дьаһалтата, П.Н. Сокольников аатынан Чурапчытааҕы киин балыыһа уонна оройуоннааҕы култуура салалтата улууска СOVID-19 утары быһыыны ылбыт дьон ортотугар сүүйүүлээх розыгрыш олохтообуттара. Маныаха, сэтинньи 4 күнүттэн 7 күнүгэр диэри быһыыны ылбыт буолуохтаахтара. Бу быыһык кэм иһигэр 98 киһи саҥа хоруона вируһун утары быһыыны ылбыт эбит.
Бэлиэтиир буоллахха, Чурапчы улууһугар саҥа хоруона вируһунан ыалдьааччы ахсаана аччаан иһэр. Сэтинньи 22 күнүнээҕи туругунан, улууска 6787 киһи COVID‑19 утары быһыыны ылбыт.
Бу аахсыйа өссө даҕаны ыытыллыаҕа.
