Саха литературатын төрүттээччилэртэн биирдэстэрэ А.И. Софронов-Алампа тапталлаах алаастарыгар Ытык Күөл 1№-дээх оскуолатын учууталлара уонна үөрэнээччилэрэ кыттыылаах икки массыына киһи Куобах Буһарбыкка уонна Оккуодайга маҥнайгынан сырыттылар, суолу астылар.
Федеральнай суолтан Оккуодай 6 км тэйиччи, 20 мүнүүтэ эрэ айаннаах эбит, оттон Куобах Буһарбыт 7 км ыраах сытар. Ыалдьыттар суолу оҥорбут тэрилтэҕэ махталларын эттилэр, ханнык баҕарар массыына холкутук тиийэр буолбут. Алампабыт ахтылҕаннаах алаастарын оҕо-аймах хоһооно, тойуга толорон ылла. Арааска учуутал, үлэ, сэрии бэтэрээнэ Николай Иосифович Слепцов Алампа алаастара оҕо-уруу саҥатынан, үөрүүтүнэн туоллун диэн, сэргэ мас өйдөбүнньүктэри ким да көмөтө суох, соҕотоҕун кэриэтэ, дьулуһан оҥортообут эбит.
Оҕолор, эдэр дьон бу алаастарга кыһынын үөрдүһэн кэлбиттэрэ, сааскы кэми, туллуктары чахчы санатар эбээт. Массыыналаах дьиэ кэргэн кэлиҥ, сылдьыҥ, аатырар Алампабыт алаастарын кытта суол баарына сылдьан хаалыҥ, эдэр көлүөнэ дьоҥҥо Алампабыт олоҕун көрдөрүҥ.
Николай Попов, үлэ ветерана
Ылыллыбыт сигэтэ: https://xn--80aaa3eca.xn--p1ai/article/33259
