Дьэллик ыттары тутан ылан салгыы быстах көрөр пууҥҥа харайыыга төлөбүрү үрдэтэр боппуруоһу быһаарарга диэн, Дьокуускай куорат баһылыга Евгений Григорьев этии киллэрдэ.
Бүгүҥҥү күн туругунан биир ыты тутуу 490 солк, пууҥҥа харайыы 289 солк. буола
«Бу маннык миэрэ, ытттарын мэнээх көҥүл дьаарбата ыытар дьоҥҥо бодолорун тардынааларыгар туһуланыа. Өрөспүүбүлүкэтээҕи КоАП сокуонун сырыы аайы кэһэр дьоҥҥо биһиги ирдэбили кытаатыннарыах тустаахпыт. Уопсастыбаҕа куттала суох эйгэни олохтооһун – биһиги сүрүн сыалбыт-сорукпут», - диэн тоһоҕолоон туран бэлиэтээтэ куорат баһылыга.
МКУ «СЭГХ» дириэктэрэ Айаал Егинов бэлиэтииринэн, ааспыт нэдиэлэ устата ППБЖ уонна тиэргэн харбааччылар үлэлэрин күүстэринэн, 13 тоһуурга түбэһиннэрэн, түөрт тутааччылар массыыналарын туһанан, барыты 180 дьэллик ыт тутулунна.
ППБЖ дириэктэрэ Екатерина Безрученко тиэрдэринэн, 53 ыт аттанна, 89 ыт иириини утары быһыы ылла, 11 ыт өлүгэ көһүннэ, 33 ыт саҥа иччилэннилэр, 23 ыт урукку хаһаайыттарыгар төнүннүлэр.
ППБЖ салайааччыта чопчулуурунан, үгүс тутуллубут ыттары кэнники иччилэрэ кэлэн төттөрү дьиэлэригэр илдьэ бараллар.
