Саха сиригэр өрүһү туоруур кыһыҥҥы суоллар арылыннылар. Халлаан тымныйда, туманнырда, аһаҕас сирдэринэн типтэ. Ыраах сылдьар айан суоппардарыгар былдьаһыктаах кэмнэр саҕаланнылар. Авиация кыайан тиийбэт сирдэригэр дьон олоҕор тыын суолталаах араас таһаҕас тиэйиитэ саҕаланна. Маннык ыраах чиэски ыырдарга айан суоппар киһиэхэ арыт олох иһин охсуһуу буолар диэтэххэ туох да омуна суох.
Саха сиригэр быйылгы дьылтан, айаҥҥа моһуогурбут, массыынналара алдьаммыт суоппардары быыһыыр-абырыыр «Тоҥмуту быыһаа» бырайыак саҕаланна. Маннык ураты чааһынай сулууспа Таатта улууһугар арыллынна. Бырайыак тэрийээччитэ бу үтүө санаалаах бачыымын атын улуустарга кытары тарҕатар санаалаах.
Саха сирин Быыһыыр Сулууспата туох бары урбаанньыттары, бэйэлэрин баҕа өртүлэринэн көмөлөһүөн санаалаах дьону Таатта урбаанньытын саҕалааһынын өйүүргүтүгэр ыҥырар.
Николай Фатеев, Саха сиринээҕи Быыһыыр Сулууспа сэрэтэр салаата
