Ахсынньы 17 күнүгэр күнүс 11 чаастан Бэчээт дьиэтин Медиа-киинигэр Саха Өрөспүүбүлүкэтин Суруналыыстарын сойууһа эһиэхэ анаан "Балысхан сайдыы тылга сабыдыала: хайдах дьаһанабыт?" диэн төгүрүк остуолу тэрийэр.
Саха тыла бүгүн көрсөр кыһалҕаларын, кэнчээри ыччакка гаджет, ютуб, араас социальнай ситимнэр сабыдыалларын, оҕоҕо аналлаах сахалыы кинигэ, хаһыат-сурунаал, киинэ, тэлэбиидэнньэнэн, араадьыйанан биэриилэр тула аһаҕастык кэпсэтиэхпит.
Төрөөбүт тылбытын тыыннаах хаалларар, сайыннарар барыбыт кыһалҕата буоларын өйдөөн, көхтөөхтүк кыттаргытыгар ыҥырабыт.
Бу сигэнэн киирэн истиҥ, санааҕытын аһаҕастык этиҥ, сүбэҕитин холбооҥ.
Холбонор ZOOM-ҥут:
https://us02web.zoom.us/j/81052363221?pwd=ZEp5OTVMS2hQRHFsdXpPdDRwaUovUT09
Код: 532338
Буолар кэмэ: ахсынньы 17 күнүгэр 11:00 чаастан (Дьокуускай бириэмэтинэн)
СӨ Суруналыыстарын сойууһа.
