Киир

Киир

Ахсынньы 21 күнүгэр, Ньурбуу улууһугар Үөрэхтээһин сылын чэрчитинэн, Ньурбачааҥҥа 4 кыбартыыралаах толору хааччыллыылаах олорор дьиэ үөрүүлээх аһыллыыта буолла. Манна улууска алмаастан киирэр үптэн 9 мөл. солк. кэриҥэ көрүллүбүт. Тэрээһиҥҥэ улуус баһылыга Алексей Иннокентьев, ИСУ салайааччыта – улуус баһылыгын тутууга солбуйааччыта Макар Семенов, бэдэрээччит – "Стройкомфорт" ХЭТ дириэктэрэ Анатолий Степанов, нэһилиэк баһылыга Мария Семенова уонна олохтоохтор кытыннылар.

Ньурбачаан 1

"Стройкомфорт" тэрилтэ быйыл от ыйыттан саҕалаан баран, түргэнник тутан дьиэни үлэҕэ киллэрдэ. Дьиэ уопсай иэнэ - 198 кв. м., онтон олорор дьиэтин иэнэ - 159 кв. м.

Ньурбачаан 2

Эдэр үлэһиттэргэ анаммыт хааччыллыылаах, 4 кыбартыыралаах дьиэ үлэҕэ киирбитинэн Алексей Иннокентьев, Мария Семенова, Макар Семенов, Анатолий Степанов эҕэрдэлээтилэр. Тутааччыларга улуус баһылыгын Махтал суруктара туттарылынна. Харда махтал тылын саха тылын уонна литературатын учуутала Яна Егорова уонна оскуола дириэктэрэ Николай Егоров эттилэр.

Ньурбачаан 3

Дьиэ күлүүһүн ылааччылар – бары үөрэх үлэһиттэрэ. Ол курдук, оскуола 3 учуутала уонна 1 оҕо уһуйаанын үлэһитэ үөрэ-көтө кыбартыыраларын күлүүстэрин туттулар.

Ньурбачаан 4

Чуукартан төрүттээх информатика учуутала Егор Семенов быйыл балаҕан ыйыгар кэлэн манна үлэтин саҕалаабыт. Кэргэнэ идэтинэн эмиэ учуутал, Эбээн-Бытантай улууһуттан төрүттээх, 3 оҕолоохтор. "Саҥа, ыраас, үчүгэй тутуулаах дьиэни биэрдилэр, биһиги дьиэ кэргэн бары улаханнык үөрэбит. Улуус аҕа баһылыга Алексей Михайловичка уонна нэһилиэк баһылыга Мария Николаевнаҕа махталбытын тиэрдэбит", - диэн Егор Артемович санаатын үллэстэр.

Ньурбачаан 5

Макар Семенов ньурбачааннарга күүтүүлээх үтүө сонуну иһитиннэрдэ. Аны уочаракка Ньурбачааҥҥа 60 миэстэлээх таас оскуола дьиэтин тутуута турар. Сотору сирин изысканиета саҕаланыахтаах. Эһиил бырайыага бүтэрэ күүтүллэр, онтон тутуута 2023-2024 сс. саҕаланыахтаах.

Ньурбачаан 6

нЬУРБ

 Геннадий Антонов

Сигэтэ: https://xn--90adptbcs3gya.xn--p1ai/article/35466

Тарҕат:

Санааҕын суруй

Бүтэһик сонуннар