Саха сиринээҕи Киин Быыбардыыр Хамыыһыйа бэйэтин телеграм-ханаалыгар тиэрдэринэн, Муома улууһугар болдьох иннинэ оройуонун баһылыгын талыы хампаанньата саҕаланна.
Хандьыдааттартан докумуону тутуу тохсунньу 2 күнүгэр түмүктэннэ. Барыта 4 киһи турда: Дмитрий Аммосов ("Биир Ньыгыл Арассыыйа"), Иван Олейников (ЛДПР) уонна икки бэйэлэрэ бэйэлэрин туруоруммут дьон - Вячеслав Тихонов итиэннэ Прокопий Федоров.
Болдьоҕун иннинэ ыытыллар быыбар, оройуон урукку баһылыга Иван Павлов быйыл күһүн балаҕан ыйыгар, соһумардык олохтон туораабытын кытта сибээстээх. Санатар эбит буоллахха, урукку баһылык оробуочай командировка кэмигэр бураан көлөттөн сууллан, ыарахан эчэйии ылан тута онно миэстэтигэр суорума суолламмыта.
2018 сыллааха, биэс сыл болдьохтоох Муома оройуонун баһылыгынан талыллыбыта.
Муома оройуона Саха сирин хотугулуу-арҕаа хайысхатынан тайаан сытар. Дьокуускайтан 872 км ыраах. Улууска олохтоох тэриллии баар. Нэһилиэнньэ биэрэпиһин бүтэһик, 2021 сыллааҕы көрдөрүүтүнэн, оройуоҥҥа 4 тыһ. кэриҥэ киһи олорор.
