Сахабыт сиригэр өрөспүүбүлүкэ таһымнаах анал инфекционнай балыыһа суоҕа хамсык кэмигэр элбэх харгыстары үөскэттэ. Онон бу тыын суолталаах кыһалҕаны Ил Дархаммыт Айсен Николаев дойду парламенын үрдүкү палаататын спикера Валентина Матвиенконы кытта көрсүһүүтүгэр кэпсэппит. Кэпсэтии түмүгүнэн, балыыһа тутуллуутугар үп-харчы 2023 сылга көрүллүөх чинчилэммит.
Ол туһунан Саха Өрөспүүбүлүкэтин Ил Дархана Айсен Николаев соторутааҕыта ГТРК “Саха” ханаалыгар буолан ааспыт быһа эпииригэр иһитиннэрбитэ. Билигин өрөспүүбүлүкэтээҕи инфекционнай балыыһа бырайыага уонна симиэтэтэ оҥоһуллан бүтэн судаарыстыбаннай эспэртиисэҕэ сытар.
