Быйыл, Ленин проспегар уларытыыны киллэрэр улахан үлэ былаанынан, аныгыс нэдиэлэҕэ, Орджоникидзе уулуссатын кытта быһа охсуһар Ленин проспегын учаастагыттан Курашов аатынан уулуссаҕа диэри сабыахтара.
Бүгүн, олунньу 7 күнүгэр буолбут куорат уопсай мунньаҕар, Дьокуускай мээрийэтин тырааныспар уонна суол хаһаайыстыбатын бырабылыанньатын салайааччыта Василий Амбросов: "Бүгүн уопсастыбаннай тырааныспардар сырыыларын уонна массыыналар ити суолу тумнан, атын суолларынан айанныыр схемаларын оҥоро уонна чопчулуу сылдьабыт. Сотору, нэһилиэнньэҕэ тиэрдэр гына, бигэргэтиллибит быһаарыыны сырдатар-иһитиннэрэр үлэһиттэргэ тиэрдиэхпит", - диэн этэр.
Санатар буоллахха, Ленин проспегын хапытаалынай уларытыыта быйыл алтынньы 7 күнүттэн саҕаламмыта.
