«Новатор» салайар хампаанньаны (УК) хах мууһу кэмигэр хомуйбатаҕын иһин, Дьокуускай куорат суута ыстараап быһыытынан административнай эппиэтинэскэ тардыллыытын уларыйыыта суоҕунан хаалларда.
2021 с. сэтинньи ыйыгар, Дьокуускай куорат Киин уокуругун эриэйдэлээх кэрийиитин кэмигэр, дуоһунастаах дьон Ломоносов уулуссатын 42-с дьиэтигэр канализация тэһэ баран уу сүүрбүтүн түмүгэр, 200 кв. миэтэрэ кэриҥнээх хах муус үөскээбитин булбуттара. Маныаха, тоҕу барбыт убаҕаһы уонна хах мууһу ыраастаабатахтарын иһин, ити дьиэ турар сирэ-уота киртийбит уонна олохтоох дьон эчэйии ылыахтарын сөптөөх куттала үөскээбит. Бу туһунан Киин уокурукка иһитиннэрбиттэр.
Бэрэбиэркэ түмүгэр, элбэх кыбартыыралаах дьиэ тэхиниичэскэй хааччыйыытын «Новатор» УК дьаһайыахтааҕа биллибит. Тэрилтэ уу тоҕу барыытын кэмигэр көрбөтөх уонна хах муус үөдүйбүтүн ыраастаабатах.
Дьокуускай куорат Дуумата быһаарбыт куораттааҕы уокурук территориятыгар тупсуу (благоустройство) Быраабылаларын 47-с ыстатыйатыгар олоҕуран, инженернэй коммуникациялары уонна тутуулары туһаныы тулалыыр территорияны уунан уонна атын да убаҕастарынан киртийиигэ тиэрдиэ суохтаах.
«Өскөтүн убаҕас тохтуутун саахала үөскээтэҕинэ, биир суукка иһигэр ону тохтотуллуохтаах, оттон тохтубут убаҕас суох гыныллыахтаах. Кыһыҥҥы кэмҥэ маннык тохтуу түмүгэр мууһуруу үөскээбитин суһаллык ыраастаныллыахтаах. Убаҕас тохтуутун тохтотон баран, мууһурууну 12 чаас иһигэр суох гыныллыахтаах», - диэн Дьокуускай куорат уокуруктааҕы дьаһалтатын Быраабын департаменыгар чопчулаан быһаарбыттар.
Көстүбүт кэһиилэр чахчыларынан, Киин уокурук быраабатын дуоһунастаах сирэйэ СӨ административнай быраабы кэһиилэр Кодекстарын 1 ч. 6.25 ыст. административнай быраабы кэһии туһунан боротокуол оҥоһуллубат. Маныаха, «Дьокуускай куорат» куораттааҕы уокуругун Административнай хамыыһыйатын уурааҕынан, «Новатор» УК 50 тыһ. кээмэй ыстырааптаах административнай эппиэтинэскэ тардылынна.
Бу уураахха сөбүлэспэккэ, «Новатор» УК Дьокуускай куораттааҕы суукка ааһынар туһунан үҥсүбүт. Ол эрээри, Дьокуускай куорат суута 2022 с. кулун тутар 1 күнүгэр, Административнай хамыыһыйа суутун уурааҕын уларыйыыта суох хаалларбыт.
Yakutskcity.ru саайтан
