Аммосов уулуссатын субу мас дьиэлэрэ күрдьүллүү испииһэгэр киирбиттэрэ ыраатта.
Холобур, Аммосов 26 №-дээх дьиэтэ. Бу уонна аттыгар турар икки этээстээх мас дьиэ ааспыт үйэ 60-с сылларыгар тутуллубуттара. Мас дьиэлэр самнархайдар. Этэргэ дылы, “оттон-мастан” иҥнэн турбуттара. Аммосов уулуссатын 26-с дьиэтэ 2000-с сылларга ньиэп-гаас хампаанньаларын көстүүнэйэ буола сылдьыбыта.
Онтон нефтяниктар бу дьиэттэн аккаастаммыттарын кэнниттэн, мантан уопсай оҥоро сылдьыбыттара. Манна быстах кэмҥэ олорбут дьону дьиэнэн хааччыйдылар, сорохтор атын сирдэргэ көстүлэр. Аны, бу дьиэ күрдьүллэр кэмэ кэллэ.
Мииринэй куорат сааххаланар туруктаах, хаарбах дьиэлэрин күрдьүүгэ, Саха Өрөспүүбүлүкэтин бырабыытылыстыбата хайдах дьаһалы биэрэриттэн барыта тутулуктаах.
Кэнники сылларга куорат былаастара олохтоохтортон таас дьиэлэргэ кыбартыыралары атыылаһыталыыр буоллулар.
Балары хаарбах дьиэлээхтэргэ биэрэллэр. Абыраллаах дьыала.
Онно ирдэбиллэрэ кытаанах – кыбартыыра үчүгэй туруктаах, булгуччу өрөмүөннэммит, итии-тымныы ууга усчуотчуктаах буолуохтаах.
Оттон олохтоохтор үйэлэрин самнархай дьиэлэргэ моҥуохтарын баҕарбаттар.
Дьэ ити курдук куораппыт хаарбах туруктаах мас дьиэлэртэн босхолонор.
Станислав Алексеев. Мииринэй куоратаАаптар хаартыскалара