Мөлтөх суоллаах-иистээх Кэбээйи улууһугар “Арассыыйа почтата” саҥа вездеходу аҕалла. Инньэ гынан Уһук Хоту усулуобуйатыгар маардарынан, хаарынан сылдьар көлө таһаҕаһы уонна почтаны тиэрдэрэ түргэтиэҕэ. Бу туһунан почта пресс-сулууспата иһитиннэрэр.
УФПС Саха сиринээҕи салаатын салайааччы Пётр Птицын бэлиэтииринэн, сотору кэминэн Кэбээйи улууһун ыраах нэһилиэктэригэр баһыылканы, суругу, хаһыаты тиэрдии быдан түргэтиэҕэ, ордук суол хаайтарыытын кэмигэр саҥа тиэхиньикэ абыраллаах буолуоҕа. Вездеходу номнуо Сангаарга тиэрдибиттэр. Сангаартан почтаны 13 нэһилиэккэ: Сииттэҕэ, Кэбээйигэ, Тыайаҕа, Сиэгэн Күөлгэ, Мастаахха, Баҕадьаҕа, Чагдаҕа, Арыктаахха, Сэбээн Күөлгэ, Лүксүгүҥҥэ, Сайылыкка, Арҕастаахха, Батамайга тиэрдэллэр. Сыл ахсын почта улуус олохтоохторугар 600 кг саҕалаан 1 туоннаҕа тиийэ таһаҕаһы тиэрдэр.
Санатар буоллахха, Сангаардааҕы почта отделениетын начаалынньыга Афанасий Полятинскай суол хаайтарыытын кэмигэр 350 км тайҕанан ыраах нэһилиэктэргэ 97 кг почтаны тиэрдэн “Арассыыйа почтата” “Сыл киһитэ” диэн саамай үрдүк корпоративнай наҕараадатыгар тиксэн турар.
