Дьокуускай куорат баһылыга Евгений Григорьев бүгүн, атырдьах ыйын 18 күнүгэр, Кеша Алексеев аатынан 8/1 баар элбэх кыбартыыралаах эргэ дьиэни көтүрэргэ дьаһал биэрдэ. Бу 1972 сыллаах тутуу аварийнай туруктааҕа бигэргэнэн, «Дьокуускай куорат» куораттааҕы уокуругун нэһилиэнньэтин 2020-2024 сыллардаахха дьиэнэн хааччыйыы» муниципальнай бырагырааманан «Дьокуускай куорат» куораттааҕы уокуругун аварийнай туруктаах олорор дьиэттэн олохтоохтору көһөрүү» муниципальнай бырагыраамаҕа киирбит.
Элбэх кыбартыыралаах дьиэҕэ 12 кыбартыыра баар, балартан 8-һа тус хаһаайыннаах, оттон 4-дэ муниципальнай бас билиигэ сылдьар.
Евгений Григорьев бэлиэтээбитинэн, Дьокуускай куорат сиригэр-уотугар дьону аварийнай туруктаах дьиэлэртэн көһөрүү өрөспүүбүлүкэтээҕи уонна муниципальнай бырагыраамаларынан уонна тутуу барбыт сирдэрин сайыннарыы дуогарабарыгар олоҕуран олоххо киирэр.
«Бу сыллаахха биһиги 21 эргэ дьиэни көтүрүөхтээхпит. Аныгыс сыллаахха бүтүөхтээх бырагыраама чэрчитинэн, көспүт олохтоох дьон ахсаана 5 тыһыынчаттан тахса буолуоҕа», - диэн Евгений Григорьев бэлиэтиир.
Маны сэргэ, куорат баһылыга даҕатан эппитинэн, СӨ Ил Дарханын ыйааҕынан, 2032 сыллаахха диэри Дьокуускай куорат сиригэр-уотугар эргэ уонна аварийнай туруктаах дьиэлэр суох буолуохтаахтарын туһунан стратегия ылыныллыбыта.
2022 сыл атырдьах ыйын 17 күнүнээҕи туругунан, Кеша Алексеев 8/1 дьиэтигэр баар олохтоохтору кытта олорор дьиэлэрин көтүрбүттэрин оннугар, харчынан толук биэриигэ дуогабардарга сөбүлэҥнэр түстүлэр.
Дьокуускай куорат дьаһалтатын пресс-сулууспата
