Луганскай уонна Донецкай норуодунай өрөспүүбүлүкэлэр, маны кытта Запорожскай уонна Херсонскай уобаластар Арассыыйа састаабыгар киириигэ куоластааһыны олохтоотулар. Бу туһунан «РИА Новости» иһитиннэрэр. ДНР олохтоохторо 99,23%, ЛНР куоластааччылара 98,42%, Запорожскай уобалас 93,11%, оттон Херсонска 87,05% өйөөтүлэр. Бу дааннайдары бюллетеннэри 100% көрүү-истии кэнниттэн быһаарбыттар. Маныаха, референдум кэмигэр ханнык даҕаны куруубай сыыһа туттуу уонна быраабыланы кэһии тахсыбатах.
ДНР референдумугар куоластыыр саастаах дьон кэлиитэ 97,51%, Луганскайга 92,6%, Запорожскай уобаласка 85,4%, оттон Херсонскай уобаласка 76,86% буолбут. Маннык куоластааһыны суһаллык оҥоруу туһунан Донецкай уонна Луганскай норуодунай өрөспүүбүлүкэлэр, Запорожскай уонна Херсонскай уобаластар былаастарыгар олохтоохтор бэйэлэрэ этии киллэрбиттэр. Эрэгийиэннэр бэрэстэбиитэллэрэ этэллэринэн, бу олорор сирдэрэ харысхаллаах буолуутун мэктиэлиэ уонна устуоруйа урукку чахчытын сөргүтүө.
Владимир Путин ааспыт нэдиэлэҕэ Арассыыйа Донбасс, Запорожскай уонна Херсонскай уобаластар баҕа санааларын толоруоҕа диэн эппитэ. Онон, биэс хонуктаах куоластааһын суһал сорук быһыытынан, балаҕан ыйын 23 күнүттэн 27 күнүгэр диэри ыытылынна.
