В.В. Путин хомууртан кимнээх эбии босхолонуохтаахтарын туһунан ыйаахха илии баттаата

ТАСС диэн Арассыыйатааҕы информационнай эгиэнистибэ суруйарынан, бэрэсидьиэн Владимир Путин хомууртан кимнээх эбии босхолонуохтаахтарын туһунан ыйаахха илии баттаатата. Кини эппитинэн, биллибэт болдьоххо диэри хомууртан босхолонуу чуолаан устудьуоннарга сыһыаннаах буолуоҕа. Ол курдук, олохторугар аан бастакытын сирэй уонна кэтэхтэн үөрэнэр устудьуоннар, сирэй уонна киэһээҥҥи салааларга үөрэнээччилэр, судаарыстыбаннай аккредитациялаах чааһынай үрдүк үөрэх устудьуоннара уонна духуобунай үөрэх тэрилтэлэрин истээччилэрэ босхолоноллор.

«Судаарыстыбаннай аккредитациялаах үөрэх уонна билим тэрилтэлэригэр, орто уонна үрдүк үөрэ бырагырааммаларынан, ол быыһыгар ординатураҕа уонна ассистентура-стажировкаҕа үөрэнэр устудьуоннар босхолоноллор. Мин судаарыстыбаннай аккредитациялаахтары, ол эбэтэр чааһынай үөрэх тэрилтэлэрин эмиэ этэбин», - диэн бэрэсидьиэн эбэн эттэ.

Кини даҕатан эппитинэн, Арассыыйаҕа Оборуонаҕа министиэристибэтэ хара маҥнайгыттан, быстах хомуур чэрчитинэн араас категориялаах Арассыыйа олохтоохторун булгуччу ыҥырыы суоҕун туһунан иһитиннэрбитэ. Ол эрээри, чопчуламмыт уларыйыылар эрдэттэн нормативнай-правовой базаҕа кэмигэр киллэриллибэккэ хаалбыттара.

«Онон, Арассыыйа Оборуонаҕа министиэристибэтэ уонна бырабыыталыстыба көрдөрбүт ыйааҕын бырайыага эрдэттэн Оборуонаҕа министиэристибэ позициятын тутуспакка тахсыбыт. Инньэ гынан, бу докумуоҥҥа сөп түбэһэр уларыйыылары киллэрэр тустаахпыт. Бүгүн мин ыйааҕы таһаарыыга биэрдим, уларыйыылардаах докумуоҥҥа илии баттанна», - диэн бэрэсидьиэн бэлиэтээн эттэ.

Санатар буоллахха, балаҕан ыйын 21 күнүгэр Арассыыйа Федерациятын бэрэсидьиэнэ дойдубутугар быстах хомуур олохтонорун туһунан ыйаахха илии баттаабыта.