Сарсын, олунньу 29 күнүгэр, дойду бэрэсидьиэнэ Владимир Путин Федеральнай Сэбиэккэ анал туһаайыытын этиэҕэ. Ити күн судаарыстыба салайааччыта дойду 10 сыллаах сайдыытын торумун иһитиннэрэр былааннаах.
Туһаайыы Москуба бириэмэтинэн күнүс 12:00 чааска буолар (Саха сиригэр – 18:00). Ону Бастакы уонна “Арассыыйа 1” ханааллар быһа эфиргэ көрдөрүөхтэрэ.
В.В. Путин пресс-сэкирэтээрэ Дмитрий Песков иһитиннэрэринэн, бэрэсидьиэн этиитин тиэкиһин бэйэтэ суруйар үһү, “күннэтэ уонунан араас киһиэхэ эрийэр, чопчулаһар-сураһар, бырабыыталыстыба уонна федеральнай биэдэмистибэлэр салайааччыларын кытта көрсөн, туһаайыытын чочуйар” диир.
Бэй.кэр.
Хаартыска: Михаил Метцель/ТАСС
