Өскөтүн Москуба Украина кириисиһин быһаарар кэпсэтиигэ кыттыбатаҕына, АХШ Арассыыйаны утары сааҥсыйаларын өссө күүһүрдүөн сөбүн туһунан саҥа бэрэсидьиэн Трамп кэпсиир. Ол туһунан кини Үрүҥ дьиэтигэр суруналыыстардыын кэпсэтиитигэр эппит.
Арассыыйа кэпсэтиигэ кыттыспатаҕына сааҥсыйа күүһүрүөн сөбүн дуу, суоҕун дуу туһунан ыйыппыттарыгар, Дональд Трамп быһа бааччы: “Буолуон сөп”, – диэбит уонна өссө төгүл Байден оннугар кини бэрэсидьиэннээн олорбута буоллар, ити иирсээн олох даҕаны саҕаламматах буолуохтааҕын туһунан ахтыбыт.
Оттон аҕыйах хонуктааҕыта дойдубут бэрэсидьиэнэ Владимир Путин эппитинэн, Москуба АХШ саҥа дьаһалтатын кытта Украина иирсээнин туһунан кэпсэтэргэ бэлэм. Саамай сүрүнэ – кириисис үөскээбит бастакы төрүөттэрин боппуруоһун быһаарыахха наада.
