АХШ бэрэсидьиэнэ Трамп “Арассыыйаҕа уонна Кытайга дьайар туһугар, АХШ ядернай сэриитин сэбин элбэтэн барыаҕа” диир.
Суруналыыстары кытта көрсүһүүтүгэр Трамп “Арассыыйа 1987 с. түһэрсиллибит Орто уонна чугас сиргэ көтөр ракеталар туһунан Дуогабары кэһэр. Ол иһин биһиги ол Дуогабартан тахсаары гынабыт... Арассыыйа уонна Кытай өйдөрүн-төйдөрүн булунуохтарыгар, бэриниэхтэригэр диэри, биһиги ядернай сэбилэниибитин күүһүрдэ туруохпут” диэтэ.
Бу соторутааҕыта РФ бэрэсидьиэнэ В.Путин Валдай кулуубугар кэпсэтиигэ эмиэ тоҕо эрэ ядернай ытыалаһыы туһунан ахтан аһарбыта. Быһата, балаһыанньа үөһэ тыҥаан, хардарыта тыл-өс кытаатан иһэр дуу, тугуй?
Аҕыйах хонуктааҕыта “Военно-промыщленный курьер” таһаарыыга байыаннай билим дуоктара Константин Сивков ыстатыйата тахсыбыта. Онно эспиэр: “Ядернай охсууну урутаан оҥоруу чааһыгар Арассыыйа АХШка тиийэр кыаҕа суох эрээри, өссө алдьатыылаах хоруйу оҥорор кыахтаах.
