Уһук Илин федеральнай уокурук киининэн Владивосток куорат буоларын туһунан ыйаахха Владимир Путин илии баттаата. Бу туһунан РФ Бэрэсидьиэнин пресс-сулууспата иһитиннэр.
““О полномочном представителе президента РФ в федеральном округе” диэн бэрэсидьиэн 2000 сыллаахха ыам ыйын 13 күнүгэр баттаабыт ыйааҕыгар, 16-с абзаһын “федеральнай уокурук киинэ – Владивосток куорат” диэн уларытан биэрэргэ”, — диэн суруллар.
Уһук Илин федеральнай уокурук киинэ уларыйарынан, билигин бэрэсидьиэн дьаһалтата киини көһөрүүгэ туһааннаах дьаһаллары ылыаҕа.
Санатар буоллахха, 2000 сылтан ыла, Уһук Илин киининэн Хабаровскай куорат буолбута.
